АПЕЛ ДО ЖИТЕЛИТЕ НА ОПШТИНА МОГИЛА
Општина Могила упатува апел да се почитуваат препораките и законските одредби од страна на Владата на Република Северна Македонија, како и препораките од страна на Општина Могила.
- Се апелира до сите жители на Општина Могила да го намалат движењето во институциите, со исклучок на итни и неодложни работи.
- Жителите на Општина Могила да го сведат на минимум движењето надвор од своите домови, со исклучок за итни и неодложни работи. Особено оваа препорака се однесува за посетување на угостителски објекти, паркови и останати отворени и затворени простории со капацитет за собирање на поголема група на луѓе.
- Информациите повразни со новонастанатата ситуација со КОВИД-19 (Корона вирус), да се црпат исклучиво од Министерството за здравство, поради тоа што информациите од неофицијални извори доведуваат до паника кај населението.
- Лицата кои биле надвор од територијата на Република Северна Македонија и лицата кои се сомневаат дека имаат симптоми на корона вирус, им се препорачува да го контактираат Центарот за јавно здравје – Битола на тел. 071/261-330
- Општина Могила ги почитува сите дадени препораки да не доаѓаат на работа лицата со хронични заболувања како и бремените жени.