С О О П Ш Т Е Н И Е
Почитувани граѓани
Ве известуваме дека преку проектната единица на Министерство за Финансии и МСИП проектот за подобрување на општинските услуги финансиран преку Светска Банка Општина Могила доби под-заем за реализација на проектот “Изградба на повеќенаменски објект во н.м. Могила”. За таа цел во периодот од 12.05.2020 до 01.10.2020 ќе се изведуваат градежни работи на локација и објект на Месната канцеларија во Могила, (која се наоѓа наспроти општинската зграда). Работите ги изведува фирмата БВ Инженеринг – Битола, а како главна цел на проектот се истакнува подобрување на квалитетот на живот на месното население, како и подобрување на културата, со што ќе се даде значителен придонес во зачувување и промовирање на културно наследство, едукација, туризам и др.
Во периодот кога се изведуваат градежните работи потребно е да ги почитувате и да се придржувате на следните препораки:
- Маркетот кој се наоѓа во близина на објектот, ќе работи секој ден од 06 до 19 часот. Жителите ќе имаат непречен пристап до маркетот преку пешачката зона -плоштадот и со автомобили преку улицата Пелагонија која се наоѓа од задната страна на општинската зграда.
- Трговците ќе можат да вршат дотур на роба секој ден во периодот од 06 до 15 часот од влезот на улица Пелагонија.
- Пристапот на граѓаните до поштата (која е во непосредна близина на објектот каде се изведуваат градежните работи) ќе биде овозможен преку плоштадот Св. Никола. Од 08-12 часот секој работен ден.
- Ве молиме постојано да ги информирате децата дека е строго забрането движење и играње во близина на заштитната ограда од градилиштето.
Ве молиме за разбирање и соодветно прилагодување од ваша страна за потребите на брзо и навремено спроведување на градежните работи.
За дополнителни информации / прашања, Ве молиме да се обратите на тел. број 047/296-466 или на емаил: mogilaop@t.mk, во Општина Могила.
Општина Могила
12.05.2020.година
