Општина Могила

Дводневниот престој во Солун, градоначалниците од Могила, Славко Велевски и од Новаци, Лазар Котевски го заокружија со потпишување договор за соработка со тамошната Општина Кофалија.

- Нашата замисла е да одиме чекор понапред, односно во следната година да потпишеме договор со нашата општина партнер од Грција за соработка во европската програма „Интеррег-4“, нагласи градоначалникот на Могила, Славко Велески.

- Разговаравме со градоначалникот на Општина Кофалија, Димитрос Белис. Имаме заеднички идеи и проекти и очекуваме наскоро суштински ефекти од директната соработка, изјави градоначалникот Котевски.

Општините Могила и Новаци систематски ја подготвуваат локалната администрација и за учество во предпристапните фондови на Европската унија.